మధుర క్షణం... !

నా చూపులో నీ చూపు
కలసిన క్షణం....
సూదంటురాయిలా సాగి
మస్తిష్క మందిరాలను చురుక్కున తాకిన
ఆ క్షణం.... ఓ మధుర వీక్షణం... !

నా చేతిలో నీ చెయ్యేసి
నొక్కిన క్షణం ,,,,
తొలి స్పర్శ ప్రవాహంలా సాగి
మేనుపర్యంతం తన్మయ ప్రకంపనలిచ్చిన
ఆ క్షణం .... ఓ మధుర పరవశం ... !

నా నవ్వుకు నీ నవ్వు
జత కలసిన క్షణం..
రస తరంగాలు సాగి
యెద పొరల్లో స్వరమాలికలూగిన
ఆ క్షణం .... ఓ మధుర సంగీతం ...!

క్షణ క్షణం .. నీ తలపుల్లో..
అనుక్షణం.. నీ వలపుల్లో
తేలిపోతున్న నాకు
ప్రతి క్షణం ....
ఓ మరపురాని .. మధుర క్షణం... !
                               

Comments

Popular posts from this blog

తొందర పాటు..!

రాజ కుమారినే పెళ్ళాడుతా...!

లాభించిన కల